~{{ حــوار مــع الحــياه}}~
أهلاً و سهلاًً بكـ عزيزى الزائر الكريم نورت المنتدى بوجودكـ .
فأذا كنت عضو فيمكنك الدخول عن طريق كلمة الدخول ، أما اذا كنت زائر فيشرفنا تسجيلك وانضمامك لأسرة منتدى حــوار مع الحياه و أهلاً و سهلاً بكـ بيننا .

~{{ حــوار مــع الحــياه}}~

منتدى شامل
 
الرئيسيةالتسجيلدخول

شاطر | 
 

 سيادة المخلوع ........ ارجعلنا

اذهب الى الأسفل 
كاتب الموضوعرسالة
منى



الدولة/ البلد : مصر
عدد المساهمات : 3
الجنس : انثى

مُساهمةموضوع: سيادة المخلوع ........ ارجعلنا   الإثنين يونيو 20, 2011 4:46 pm

سيادة المخلوع.....إرجعلنا

سيادة المخلوع ... ارجعلنا
...مش انت واحد مننا ؟؟
و عمرك في يوم ما سرقتن
...ولا خدت مليم مننا
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع ... ارجعلنا
وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا
مش سبت الحكم .. لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
ومركبة بأحلى شباب ... ييجوا من ايطاليا غرقانين .. والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا
ولو انت واحد مننا
فعلا يهمك أمرنا
بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مش حرام .. ده حقنا
دا لو انت واحد مننا
أصبر هتسمع حكمنا
سيادة الرئيس ... ارجعلنا
اقعد معانا و زينا
هعرفك .....ـ
دي (أم خالد) أمنا
ودول أهل (سالي) أهلنا
و(عمر بن بنونة ) إبننا
فسر و احكي و قللهم .. و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟ـ
دول ماتوا غصب عننا ؟؟ـ
كداب و فاجر .. و اللي يصدقك زيك .. والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا ... و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
والشعب يحكم .. مش أنا
صدقني ... هي بينة
من فوق سبع سماوات .. قالها ربنا
العين بالعين والسن بالسن ... و هو دا بقه حكمنا ... و مفيش غيره عندنا

__________________________________


جديد الشاعر المصري الكبير أحمد فؤاد نجم Sad
الرجوع الى أعلى الصفحة اذهب الى الأسفل
رسام الحياه
المدير
المدير
avatar

الدولة/ البلد : مصر
عدد المساهمات : 41
الجنس : ذكر

مُساهمةموضوع: رد: سيادة المخلوع ........ ارجعلنا   الثلاثاء يوليو 05, 2011 9:39 am

جميل جدا الكلام ........شكرا جزيلا على الاشتراك

~~~~~~~~~~~~~~~~~~~~~~~~~~~~~~~~~~~~~~

{ التوقيع }
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://hwar-alhia.yoo7.com
 
سيادة المخلوع ........ ارجعلنا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~{{ حــوار مــع الحــياه}}~ :: منتديات حوار مع الحياه :: المنتديات الادبية :: قسم الادب و الشعر-
انتقل الى: